Foto

محمد الخالد يكتب: لماذا يكرهون بيراميدز؟

سؤال قد تكون إجابته للوهلة الأولى صعبة وغير واضحة المعالم، لكن المتابع الناضج يفهم جيدًا "لماذا يكرهون بيراميدز؟".. لما تكون موظف فوضوي ( على قدك ) ممشيها بالبركة وقاعد في الشغلانة عشان فلان وعلان بيحبوك مش عشان كفاءتك، طبيعي جدًا هتزعل لما ييجي للشغل موظف جديد مجتهد ومنظم وفاهم شغله.. هتكون وقتها عارف كويس أن اللي جه ده، كلها فترة ويبان شغله "الصح" ويكشف للكل إنك كنت بتقدم ( شغل أي كلام ).. وقتها إنت هتحاول تمشيه من الشغل بأي طريقة، هتحاول تقرفه بعيشته وتعكنن عليه كل يوم الصبح وتشوه صورته قدام زمايلك عشان حاسس من جواك إن "الموظف الجديد" ده قريب أوي هياخد مكانك وفلان وعلان اللي كانوا ساندينك هما أول ناس هيسيبوك لمصيرك.

طب بتكرهه ليه يا أخي؟ مش عيب أبدًا أنك تتعلم منه الحاجة أو الحاجات اللي ناقصاك، مش ذنبه إنه إنسان محترف وشغله قاعد بيظهر وبيسمع في كل مكان.. بلاش تخلي مشاعر الحقد والحسد تملأ قلبك، بلاش تلبس نظارة السواد اللي مخلياك مش قادر تعرف إن "دوام الحال من المحال"! .

 

* كاتب سعودي
* @alkhaled1899




أخبار الأهلى

أخبار الزمالك